Skip to content

Um mig
Leita

Menu

Um mig
Leita

Tag: kartöflumús með hvítlauk

andrea.gunnars

Bolludagurinn er einn af mínum uppáhalds dögum

Bolludagurinn er einn af mínum uppáhalds dögum og þar sem hann er rétt handan við hornið langar mig að deila með ykkur nokkrum frábærum bollu uppskriftum til þess að hafa í kvöldmatinn. Ég baka aldrei bolludagsbollur af því ég kann það ekki og hef aldrei þorað að prófa af ótta við að klúðra þeim, svo ég kaupi þær alltaf tilbúnar og set þær saman eftir smekk og stuði en kvöldmatar-bollurnar kann ég að gera og geri þær alltaf frá grunni og þessar uppskriftir eru öruggt kort ef þið viljið slá í gegn við kvölfmatarborðið.

1. Kjötbollur í chilikóksósu eru brjálæðislega góðar og skemmtileg tilbreyting frá hefðbundnum kjötbollum með rjómasósu.

2. Kjötbollur með pepperoni og piparsósu.

3. Salisbury steik í sveppasósu eru ekki beint kjötbollur en næsti bær við og er alveg hreint frábær heimilismatur.

4. Kjötbollur í piparostasósu.

5. “Marry me” kjúklingabollur eru bæði góðar og léttar í maga.

6. Kjötbollur og dásamleg brúnsósa.

7. Kjötbollur með beikoni, parmesan og sinnepi.

8. Fiskibollur og karrísósa er tilvalið fyrir þá sem líta á mánudaga sem fiskidaga.

9. Ofnbakaðar kjötbollur og lauksósa.

10. Himnesk sveppasósa gerir allan mat, og þá sérstaklega kjötbollur, ennþá betri.

Þessar uppskriftir finnur þú á andreagunnars.com 🫶🏻

Þar sem pósturinn um vinsælustu uppskriftirnar

Þar sem pósturinn um vinsælustu uppskriftirnar á blogginu mínu á síðastliðnu ári vakti mikla lukku, þá langar mig að deila með ykkur þeim uppskriftum sem voru vinsælastar í eldhúsinu mínu á árinu sem var að líða.

1. Lax í air fryer, borinn fram með hrísgrjónum, sætum kartöflum, avókadó, gúrku, chili majónesi og sojasósu er sá réttur sem ég eldaði oftast, en ég eldaði hann 19 sinnum á síðastliðnu ári! Uppskrift frá @ljufmeti

2. Lúðupanna með vínberjum var elduð 17 sinnum árið 2025.

3. Lúða í súrsætri sósu með hrísgrjónum og sojasósu.

4. Fiskur í karrí með tómötum og eggjum. Ég nota alltaf lúðu (ef hún fæst) í þennan rétt, mæli ekki smjörið heldur set bara ógrynni af því og ber hann fram með sætkartöflu frönskum og hvítlaukssósu. Uppskrift frá @ljufmeti

5. Ofnbakaður fiskur með camembert smurosti, blaðlauk og beikoni. Þessi réttur er í algjöru uppáhaldi hjá okkur og börn eeeelska hann.

6. Chicken Milanese og Pasta Alfredo. Þessi réttur verður alltaf fyrir valinu hjá okkur þegar við viljum hafa það sérlega notalegt án mikillar fyrirhafnar. Uppskrift frá @malinorlygs

7. Kjötbollur með pepperoni og piparsósa.

8. Beikonvafinn kjöthleifur með tómatsósu gljáa.

9. Satay kjúklingasalat. Uppskrift frá @ljufmeti

10. Basiliku parmesan pasta er sá réttur sem verður oftast fyrir valinu þegar við viljum hafa það sérlega notalegt og erum tilbúin til þess að hafa fyrir því. Rétturinn er ekki beint hristur fram úr erminni en hann er alltaf fyrirhafnarinnar virði og við elskum hann líka deginum eftir. Uppskrift frá @malinorlygs

Þessar uppskriftir lífga uppá skammdegið og rúmlega það. 🫶🏻

Til gamans ákvað ég að taka saman vinsælustu

Til gamans ákvað ég að taka saman vinsælustu uppskriftir ársins 2025 á blogginu mínu. Það er áhugavert að fara yfir árið og sjá hvaða uppskriftir það eru sem hafa vakið mesta hrifningu hjá lesendum bloggsins og ætla ég að deila lista yfir 10 vinsælustu uppskriftirnar mínar. Einnig vil ég þakka öllum sem gefa sér tíma í að lesa litla bloggið mitt og sérstaklega þeim sem hafa sent mér fallegar kveðjur. 💛

1. Vinsælasta uppskriftin á blogginu árið 2025 er pasta eins og hjá Jóa Fel og það kemur engan veginn á óvart þar sem rétturinn er mjög fjölskylduvænn og einfalt að útbúa hann.

2. Önnur vinsælasta uppskriftin á blogginu er lúðupanna með vínberjum, sem gleður mig afskaplega mikið, þar sem hún er uppáhalds maturinn okkar og sú uppskrift sem ég hef fengið flest skilaboð um frá ánægðum blogglesendum.

3. Salisbury steik í sveppasósu var vinsælasta uppskriftin á blogginu árið 2024 og vermir þriðja sætið í þetta sinn. Frábær heimilismatur.

4. Ungverskt nautagúllas - ef þið hafið ekki prófað það, þá bara verðið þið að drífa í því.

5. Ostasalat með krydd ídýfu, beikoni, chili og döðlum. Besta ostasalat veraldar, þó ég segi sjálf frá.

6. Tómatsúpa og grillaðar ostasamlokur.

7. Rjómapasta með pylsum og beikoni slær alltaf í gegn þegar ég býð uppá það.

8. Sturlaðar ostafylltar tartalettur með karamelluseruðum lauk, smjörsteiktum sveppum, gullosti og hvítlauksosti. Þarf að segja meira?

9. Tælenskur kasjúhnetu kjúklingur er í níunda sæti en þetta er uppáhalds asíski rétturinn okkar og hefur slegið í gegn í nokkrum matarboðum hjá okkur.

10. Einfalt og stórgott rækjusalat.

Þessar uppskriftir finnur þú á andreagunnars.com 🫶🏻

Vikan er hálfnuð og því finnst mér upplagt að deila hugmynd að vikumatseðli fyrir komandi viku, þar sem mér (og eflaust fleirum) finnst notalegt að nota helgina fyrir stórinnkaup og fara vel undirbúin inn í vikuna.

Mánudagur: Lúða í tikka masala, borin fram með hrísgrjónum og naan brauði þykir mér frábær byrjun á vikunni.

Þriðjudagur: Salisbury steik í sveppasósu er heimilismatur eins og hann gerist bestur. Berið fram með kartöflumús og rifsberjahlaupi og hamingjan verður taumlaus.

Miðvikudagur: Tómatsúpa og grillaðar ostasamlokur er ódýr og stórgóð máltíð sem passar vel í miðri viku.

Fimmtudagur: Thanksgiving fellur á þennan dag og ég ætla að halda upp á daginn með því að bera fram beikonvafða kalkúnabringu, kartöflumús úr soðnum kartöfluflögum, fyllingu með beikoni og döðlum og dásamlega góðri kalkúnasósu.

Föstudagur: Pasta með beikoni, karamelluseruðum lauk, smjörsteiktum sveppum og camembert smurosti.

Laugardagur: Mongolian Chicken og hrísgrjón.

Sunnudagur: Steikarlokur með karamelluseruðum lauk, bragðmiklum osti og bernaise sósu er dásamlegur endir á vikunni.

Þessar uppskriftir finnur þú á andreagunnars.com 🫶🏻

Október er uppáhalds mánuðurinn minn, sérstak

Október er uppáhalds mánuðurinn minn, sérstaklega eftir að einhver ákvað að október sé tími til þess að njóta osta. Í tilefni þess að ostóber er genginn í garð langar mig að deila með ykkur nokkrum góðum uppskriftum þar sem ostar eru í aðalhlutverki.

1. Sturlaðar ostafylltar tartalettur eru fullkomnar ef maður vill gera mjög vel við sig. Fylltar með karamelluseruðum lauk, smjörsteiktum sveppum, hvítlauk, piparosti og gullosti eru þær gjörsamlega ómótstæðilegar.

2. Pasta eins og hjá Jóa Fel.

3. Ostasalat með beikoni, kryddídýfu og döðlum er ómissandi í ostóber.

4. Ofnbakaður fiskur með gullosti og hvítlauksosti.

5. Rjómapasta með pylsum og beikoni.

6. Enchiladas með mexíkóostasósu.

7. Tortilla rúllur með cheddarosti, rjómaosti, beikoni og döðlum.

8. Eðlupizza með nautahakki.

9. Saltkaramellu ostakaka.

10. Pizzastangir með pepperoni.

Þessar uppskriftir finnur þú á andreagunnars.com 🫶🏻

Núna er haustið, sem er mín uppáhalds árstíð, skollið á af alvöru og því langar mig að deila með ykkur nokkrum uppskriftum sem mér finnst smellpassa á köldum haustkvöldum.

1. Írskt nautagúllas með Guinness bjór og rauðvíni.

2. Kjúklingasúpa sem okkur þykir sú allra besta.

3. Kjötbollur með pepperoni og piparsósu.

4. Gratíneraður fiskur með rækjum og blaðlauk. Borinn fram með hrísgrjónum og heimagerðu hvítlauksbrauði verður rétturinn algjör veislumatur.

5. Kjöt í karrí.

6. Tómatsúpa og grillsamlokur.

7. Hægeldaður BBQ kjúklingur.

8. Ungverskt nautagúllas og kartöflumús.

9. Sjávarréttasúpa með lúðu og humri. Mælt er með að bera súpuna fram með þeyttu smjöri og nýbökuðu brauði.

10. Ofnbakaður fiskur með gullosti og muldum kartöfluflögum.

Þessar uppskriftir finnur þú á andreagunnars.com 🫶🏻

Helgin og haustið eru rétt handan við hornið,

Helgin og haustið eru rétt handan við hornið, því finnst mér upplagt að deila með ykkur tillögu að vikumatseðli sem inniheldur hlýlega rétti sem ylja líkama og sál. Haustið er uppáhalds árstíðin mín, þegar allt fer aftur í gang eftir sumarið, þegar það byrjar að rökkva og hlýlegur heimilismatur tekur við af grillmat og léttum sumarréttum.

Mánudagur: Ég vil alltaf byrja vikuna á góðum fisk og þorskur með pepperoni osti og sweet chili er í miklu uppáhaldi hjá okkur. Að mylja kartöfluflögur með paprikubragði yfir réttinn gerir hann að algjörum veislumat.

Þriðjudagur: Kjötbollur í piparostasósu eru dásamlega góður heimilismatur sem allir kunna að meta.

Miðvikudagur: Kjúklingasúpa með kartöflum og pasta er frábær máltíð sem smellpassar á haustin.

Fimmtudagur: Kjöt í karrí. Þarf að segja meira?

Föstudagur: Indverskur Butter Chicken finnst mér frábær endir á vinnuvikunni.

Laugardagur: Pork Wellington með sinnepssveppasósu er svakalega góð og skemmtileg (svo ekki sé minnst á ódýr) tilbreyting frá hefðbundnu Wellington með nautalund. Berið fram með nýjum kartöflum og hamingjan verður taumlaus.

Sunnudagur: Rjómapasta með pylsum og beikoni slær í gegn hjá öllum aldurshópnum. Það er upplagt að taka afganga í nesti deginum eftir, þar sem rétturinn geymist mjög vel.

Þessar uppskriftir finnur þú á andreagunnars.com 🫶🏻

Þar sem helgin er framundan langar mig að deila

Þar sem helgin er framundan langar mig að deila með ykkur hugmynd af vikumatseðli, þar sem þeir gera vinnuvikuna töluvert auðveldari. Auk þess er fátt jafn skemmtilegt eins og að hlakka til að borða góðan mat og vona ég að sem flestir muni prófa þessar uppskriftir þar sem þær gera lífið aðeins ljúfara.

Mánudagur: Lúðupanna með vínberjum er réttur sem ég hef póstað ansi oft en góð vísa er aldrei of oft kveðin. Þetta er okkar allra uppáhalds fiskréttur og vinsælasti rétturinn á blogginu.

Þriðjudagur: Salisbury steik með sveppasósu er heimilismatur eins og hann gerist bestur.

Miðvikudagur: Ofnbakaður fiskur með paprikuosti er einfaldur og stórgóður réttur sem passar vel í miðri viku.

Fimmtudagur: Marry Me kjúklingapasta er klikkgott og súper einfalt í gerð.

Föstudagur: Djúpsteikt svínakjöt í dragonsósu er ekta föstudagsmatur. Ég hef skipt svínakjötinu út fyrir kjúkling og það er alveg jafn gott.

Laugardagur: Ofnbökuð ídýfa með chilisultu og beikonvafin pylsubrauð er snarl sem er upplagt að njóta í sjónvarpssófanum á laugardagskvöldi.

Sunnudagur: Ungverskt nautagúllas með kartöflumús er fullkominn endir á vikunni.

Þessar uppskriftir finnur þú á andreagunnars.com 🫶🏻

Verslunarmannahelgin er framundan og líkt og allt

Verslunarmannahelgin er framundan og líkt og alltaf ætla ég að eyða helginni heima og hafa það sérlega notalegt. Þá er aðalatriðið góður matur, því langar mig að deila með ykkur nokkrum uppskriftum sem slá alltaf í gegn og eiga því sérlega vel fyrir þau sem ætla að vera innipúkar um helgina.

1. Tælenskur massaman kjúklingur er dásamlega góður og vekur lukku hjá öllum aldurshópum.

2. Pizza með bláberjasultu, Brie osti, hráskinku, parmesan osti og ruccola kann að hljóma skringilega en hún er æðislega góð og falleg á borði.

3. Pasta með beikoni, hvítlauk, karamelluseruðum lauk, smjörsteiktum sveppum og camembert smurosti er brjálæðislega gott og alveg jafn gott deginum eftir.

4. Besta marengsterta í heimi passar við öll tilefni og alla daga alltaf.

5. Heilsteiktur kjúklingur með rjómasoðsósu er einn uppáhalds maturinn minn og hefur verið það síðan ég man eftir mér. Uppskriftin er frá afa og er góð eftir því. ❤️

6. Kóreskur kjúklingur er dásamlega klístraður og bragðgóður og slær alltaf í gegn. Mælt er með að drekka ískaldan bjór með.

7. Sturlaðar ostafylltar tartalettur svíkja engan.

8. Saltkaramellu smákaka í steypujárnspönnu er gjörsamlega ómótstæðileg.

9. Köld ídýfa með kjúkling og beikoni er frábær sem léttur kvöldverður sem er upplagt að njóta í sjónvarpssófanum.

Þessar uppskriftir finnur þú á andreagunnars.com 🫶🏻

Ég hef verið spurð hvort ég fari sjálf eftir

Ég hef verið spurð hvort ég fari sjálf eftir þeim vikumatseðlum sem ég pósta og stutta svarið við þeirri spurningu er já og nei. Ef ég færi alltaf eftir vikumatseðlunum yrði ekkert nýtt til þess að setja á bloggið, svo það mætti segja að ég fari eftir þeim í grófum dráttum en hef nýjungar suma dagana. Svo koma auðvitað vikur þar sem ég er ekki í stuði fyrir nýjungar eða hreinlega hef ekki tíma til að finna eitthvað nýtt til að prófa. Þá elda ég uppskriftir af mínu eigin bloggi og bloggum annarra í bland. Þessi vikumatseðill lofar þó svo innilega góðu að ég hugsa að ég muni fara eftir honum öllum í þetta sinn.

Mánudagur: Lúða í súrsætri sósu og hrísgrjón þykir mér frábær byrjun á vikunni.

Þriðjudagur: Fljótsteik með kartöflumús passar vel á þriðjudögum, en það tekur grínlaust innan við 15 mínutur að koma réttinum á matarborðið.

Miðvikudagur: Ofnbakaður fiskur með camembert smurosti er réttur sem mér finnst passa vel í miðri viku. Heimilismatur eins og hann gerist bestur.

Fimmtudagur: Pasta eins og hjá Jóa Fel slær í gegn hjá öllum aldurshópnum. Rétturinn er líka frábær í nestisboxið þar sem hann geymist mjög vel.

Föstudagur: Ég vil alltaf hafa góðan mat á föstudögum og quesadillas með pulled pork, rjómaosti og cheddarosti er skotheldur hittari. Ég ber þær fram með quesadillasósu, smátt söxuðum rauðlauk, steinselju og nachos og hamingjan verður taumlaus.

Laugardagur: Sjávarréttasúpa með lúðu og humri.

Sunnudagur: Ofnbakaðir Sloppy Joes með beikoni, bjór og cheddarosti er dásamlegur endir á vikunni.

Þessar uppskriftir finnur þú á andreagunnars.com 🫶🏻

Pasta með beikoni, smjörsteiktum sveppum, karame

Pasta með beikoni, smjörsteiktum sveppum, karamelluseruðum lauk, hvítlauk, camembert smurosti, rjóma og steinselju er ómótstæðilegur pastaréttur sem fellur í kramið hjá flestum. Uppskriftina finnur þú á andreagunnars.com 🫶🏻

Ég geri alltaf vikumatseðla og stórinnkaup fyri

Ég geri alltaf vikumatseðla og stórinnkaup fyrir heimilið um helgar, bæði af því ég elska gott skipulag og til þess að auðvelda okkur lífið. Ekki skemmir fyrir hvað það lýsir upp hversdagsleikann að hlakka til að elda og borða góðan mat. Þar sem helgin er rétt handan við hornið finnst mér upplagt að deila með ykkur tillögu að vikumatseðli og vona að það nýtist ykkur vel.

Mánudagur: Ofnbakaður fiskur með gullosti og hvítlauksosti þykir mér frábær byrjun á vikunni.
Þriðjudagur: Kjötbollur með pepperoni og piparsósu.
Miðvikudagur: Spaghetti Carbonara. Einfalt, fljótlegt og gott.
Fimmtudagur: Enchiladas með mexíkóostasósu.
Föstudagur: Kjúklingur í súrsætri sósu.
Laugardagur: Djúpsteikt ýsu-gratín er klikkgott og fullkominn laugardagsmatur.
Sunnudagur: Pork Wellington með sveppasósu er stórgott og skemmtileg tilbreyting frá Beef Wellington og er líka töluvert ódýrari máltíð. Frábær sunnudagsmatur.

Þessar uppskriftir finnur þú á andreagunnars.com 🫶🏻

1. Ofnbökuð ídýfa með chili sultu og beikoni

1. Ofnbökuð ídýfa með chili sultu og beikoni er öruggt kort sem slær alltaf í gegn.
2. Ostafylltar tartalettur með karamelluseruðum lauk eru út úr þessum heimi góðar og hverfa alltaf hratt af borðinu. Rifsberjahlaup er ómissandi með.
3. Súrdeigspizza með bláberjasultu, brie osti, hráskinku, ruccola og parmesan osti er dásamlega góð og tilvalin í Eurovision partíið þar sem hún verður betri þegar hún kólnar.
4. Tortillarúllur með döðlum og beikoni eru súper einfaldar í gerð, brjálæðislega góðar og fallegar á borði. Fullkomið sjónvarpssnarl.
5. Ostasalat með beikoni, döðlum, chili og kryddídýfu vekur rífandi lukku hvar og hvenær sem er.
6. Humarrúllur með beikoni og chili majó er skotheldur hittari.
7. Köld ídýfa með púrrulaukssúpu, beikoni og kjúkling hverfur alltaf hratt af borðinu.
8. Korean Fried Chicken er dásamlega klístraður, stökkur og bragðmikill. Ég gæti lifað á þessu!
9. Beikonvafin jalapeno popper pylsubrauð er klikkgott snarl sem kemur skemmtilega á óvart.
10. Ostastangir með pepperoni eru hættulega góðar og það er nauðsynlegt að bera þær fram með piparostasósu.

Þessar uppskriftir finnur þú á andreagunnars.com. 🥰

Beikonvafin kalkúnabringa borin fram með Kantare

Beikonvafin kalkúnabringa borin fram með Kantarell - og sjamponjongsaus frá Toro er stórgóð máltíð sem passar vel við öll betri tilefni, þegar maður vill gera sérlega vel við sig og sína og í raun bara hvenær sem er. Uppskriftina finnur þú á andreagunnars.com en hún er unnin í samstarfi við @lindsay.heildsala

Svínahamborgarhryggur með rauðvíns-kóksósu s

Svínahamborgarhryggur með rauðvíns-kóksósu smellpassar um páskana og í raun bara hvenær sem er. Uppskriftina finnur þú á andreagunnars.com en hún er unnin í samstarfi við @lindsay.heildsala 🫶🏻

Lúða í súrsætri sósu er einn af okkar allra

Lúða í súrsætri sósu er einn af okkar allra uppáhalds réttum og er reglulega á borðum hjá okkur. Uppskriftina finnur þú á andreagunnars.com 🫶🏻

Marengsterta með karamellusósu, saltkaramellu-kókosbollu-rjóma, daim og jarðaberjum er besta marengsterta í heimi, þó ég segi sjálf frá. Uppskriftina finnur þú á andreagunnars.com en hún er unnin í samstarfi við John Lindsay. 🫶🏻

Framundan er einn af mínum uppáhalds dögum, nef

Framundan er einn af mínum uppáhalds dögum, nefnilega bolludagurinn. Í tilefni þess langar mig að deila með ykkur nokkrum af mínum uppáhalds bollu uppskriftum sem passa vel sem kvöldmatur á bolludaginn.

1. Kjötbollur í chili-kóksósu eru stórkostlega góðar kjötbollur og skemmtileg tilbreyting frá hefðbundnum kjötbollum.
2. Kjötbollur með beikoni, parmesan osti og Dijon sinnepi bornar fram með rjómasósu og kartöflumús er heimilismatur eins og hann gerist bestur.
3. Kjötbollur með pepperoni og piparsósu er dásamleg máltíð sem allir kunna að meta.
4. Heimsins bestu fiskibollur og karrísósa falla í kramið hjá öllum fiskunnendum.

Þessar uppskriftir finnur þú á andreagunnars.com 🤎

Nú þegar helgi nálgast finnst mér upplagt að

Nú þegar helgi nálgast finnst mér upplagt að deila minni tillögu að matseðli fyrir komandi viku. Ég vil alltaf nýta helgarnar til þess að gera stórinnkaup og fara vel skipulögð inn í nýja viku, vitandi að allt sem ég þarf fyrir eldamennsku vikunnar er tilbúið í ísskápnum þegar ég kem heim úr vinnunni.

Mánudagur: Lúðupanna með vínberjum er uppáhalds maturinn okkar og ég get ekki hugsað mér betri byrjun á vikunni.
Þriðjudagur: Beikonvafinn kjöthleifur borinn fram með rjómasósu, kartöflumús og rifsberjahlaupi er virkilega notaleg máltíð sem allir kunna að meta.
Miðvikudagur: Ofnbakaður fiskur með gullosti, hvítlauksosti og kartöfluflögum borinn fram með hrísgrjónum.
Fimmtudagur: Pasta með kjúklingi, beikoni og hvítvíni.
Föstudagur: Eðlupizza með nautahakki er fullkomin leið til þess að enda vinnuvikuna.
Laugardagur: Korean Fried Chicken er klikkgóður réttur sem er upplagt að borða í sjónvarpssófanum. Sagan segir að það sé syndsamlega gott að fá sér ískaldan bjór með…
Sunnudagur: Nautagúllas með Guinness bjór og rauðvíni er fullkominn endir á helginni.

Til að auðvelda mér lífið þykir mér mjög g

Til að auðvelda mér lífið þykir mér mjög gott að gera vikumatseðla og nýta helgina á undan komandi viku til þess að gera stórinnkaup fyrir heimilið. Það er svo þægilegt að koma heim úr vinnu vitandi að allt sem ég þarf fyrir kvöldmatinn er tilbúið til notkunar í ísskápnum. Auðvitað kemur fyrir að ég fæ aðrar hugmyndir á síðustu stundu eða man eftir hráefni á síðasta snúningi sem þarf að nota sem fyrst og þá skipti ég um rétt dagsins en ég fer eftir þessum vikumatseðlum í grófum dráttum. Hér er mín tillaga að matseðli komandi viku:

Mánudagur: Gratíneraður fiskur með púrrulauk og papriku.
Þriðjudagur: Kjötbollur í chilikóksósu.
Miðvikudagur: Tómatsúpa og grillaðar ostasamlokur.
Fimmtudagur: Þorskur með pepperoni osti, sweet chili og paprikuflögum.
Föstudagur: Tælenskur kasjúhnetu kjúklingur.
Laugardagur: Pasta með kjúklingi, beikoni og hvítvíni.
Sunnudagur: Steikarlokur með karamelluseruðum lauk.

Þessar uppskriftir finnur þú á andreagunnars.com 🫶🏻

Load More Follow on Instagram

Search

Fylgstu með í tölvupósti:

andreagunnars.com